24-26.09.2024-cü il tarixlərində Bakı şəhərində baş tutmuş ADEX 2024 5-ci Yubiley Azərbaycan Beynəlxalq Müdafiə Sərgisi çərçivəsində Pakistan İslam Respublikası Müdafiə Nazirliyinə bağlı “Heavy&nbsp;Industries&nbsp;Taxila” (HIT) şirkətinin rəhbərliyinin təşəbbüsü ilə “Ground Technical Support” (GTS) şirkəti ilə işgüzar görüş keçirilmişdir.Görüşdə HIT şirkətinin idarə heyətinin sədri cənab general-leytenant Şakir Ullah Xattar müəssisənin fəaliyyəti, onun Pakistan Ordusundakı rolu, həmçinin istehsal etdikləri məhsullar və perspektiv əməkdaşlıq sahələri barədə məlumat vermişdir. Eyni zamanda, GTS şirkətinin direktoru cənab Emin Mahmudov şirkətin fəaliyyət sahələri, həyata keçirdiyi layihələr, hərbi texnikaların təmiri və modernləşdirilməsi üzrə imkanları haqqında ətraflı məlumatı qarşı tərəfin diqqətinə çatdırmışdır. Sonra hər iki şirkətin rəhbərliyi gələcək əməkdaşlıq perspektivlərini müzakirə etmişdir.Görüş ərzində general-leytenant Şakir Ullah Xattar GTS rəhbərliyini 19-22.11.2024-cü il tarixində Karaçi şəhərində keçiriləcək IDEAS 2024 Beynəlxalq Müdafiə Sərgisini ziyarət etmək, habelə həmin müddətdə HIT istehsal gücü ilə tanış olmaq üçün Pakistana dəvət etmişdir. Bu dəvət GTS&nbsp; rəhbərliyi tərəfindən müsbət qarşılanmışdır. Görüş qarşılıqlı xatirə hədiyyələrinin təqdim olunması ilə başa çatıb.Bundan başqa, görüşün növbəti günü HIT şirkətinin nümayəndə heyəti güc və imkanlarla tanış olmaq məqsədi ilə GTS şirkətinin istehsalat müəssisəsini ziyarət etmiş, şahidi olduqları mövcud vəziyyətdən çox məmnun qalmışlar.&nbsp;

ADEX 2024 5-ci Yubiley Azərbaycan Beynəlxalq Müdafiə Sərgisi çərçivəsində Pakistan İslam Respublikası Müdafiə Nazirliyinə bağlı “Heavy Industries Taxila” (HIT) şirkətinin rəhbərliyinin təşəbbüsü ilə “Ground Technical Support” (GTS) şirkəti ilə işgüzar görüş keçirilmişdir.

24-26.09.2024-cü il tarixlərində Bakı şəhərində ADEX 2024 5-ci Yubiley Azərbaycan Beynəlxalq Müdafiə Sərgisi keçirilmişdir. Bu sərgidə “Ground Technical Support” MMC də öz stendi ilə iştirak etmişdir.Üç günlük sərgi ərzində “Ground Technical Support” MMC rəhbərliyi çoxsaylı işgüzar görüşlər keçirmişdir. Bunların sırasına Azərbaycan Respublikası Müdafiə Nazirliyinin Hərbi-Texniki Təchizat Baş İdarəsinin, Raket Qoşunları və Artilleriya Baş İdarəsinin, Daxili İşlər Nazirliyinin Daxili Qoşunlarının, Qırğızıstan Respublikası Müdafiə Nazirliyinin Silahlnadırma İdarəsinin rəhbərlikləri ilə, Əlcəzair Xalq Demokratik Respublikası&nbsp;Müdafiə Nazirliyinin nümayəndə heyəti ilə, Türkiyənin “Otokar” və STM, İsrailin “Elbit Systems Land” və “Rafael”, Bolqarıstan Respublikasının “Terem Holdinq” şirkətlərinin nümayəndələri ilə keçirilmiş məhsuldar görüşlər daxildir.&nbsp;Müxtəlif ölkələrin güc strukturları ilə keçirilmiş görüşlərdə “Ground Technical Support” MMC Quru Qoşunları üçün nəzərdə tutulmuş silah və döyüş texnikalarının servis xidməti, təmiri və modernləşdirilməsi üzrə imkan və bacarıqları haqqında ətraflı məlumat vermişdir. Bu zaman qarşı tərəfin maraqlarına uyğun olaraq, yedəyə alınan və özüyeriyən artilleriya sistemlərinin əsaslı təmiri, BM-21 “Qrad” YARS əsaslı təmir olunmaqla modernləşdirilməsi, T-55 tanklarının tam modernləşdirilməsi, BMP-2 piyadanın döyüş maşınlarının, T-72 tanklarının, “Cobra” və “Cobra II” zirehli avtomobillərinin təmiri və servis xidmətləri müzakirə olunmuşdur.

"Ground Technical Support" MMC ADEX 2024-də iştirak edir

<a href="https://heyzine.com/flip-book/b728bc8409.html#page/28">https://heyzine.com/flip-book/b728bc8409.html#page/28</a>

“Ground Technical Support” – keyfiyyətli xidmət, təmir və modernləşdirmənin təminatçısıdır (rus dilində)

<a href="https://heyzine.com/flip-book/e453d1c115.html#page/16">https://heyzine.com/flip-book/e453d1c115.html#page/16</a>

“Ground Technical Support” yeni müqavilələrə imza atıb

<a href="https://heyzine.com/flip-book/78a912338a.html#page/6">https://heyzine.com/flip-book/78a912338a.html#page/6</a>

Azərbaycan Müdafiə Sənayesinin yeni inkişaf mərhələsi – GTS önə çıxır

“Ground Technical Support” MMC texnika nümunələrinə xidmətlərin göstərilməsi sahəsində imkanlarını artırmaq üzrə fəaliyyətlərini davam etdirir. Həyata keçirilən fəaliyyətlərin məntiqi davamı olaraq modernləşdiriləcək texnika nümunələrinin üzərinə yerləşdiriləcək xüsusi avadanlığın quraşdırma dəstlərinin istehsalı üçün yerli “AzeriSteel” MMC ilə danışıqlar aparılmışdır.
Məhsuldar danışıqlar nəticəsində qarşılıqlı razılaşmalar əldə edilərək, 19 iyul 2024-cü il tarixində “Ground Technical Support” MMC-nin direktoru cənab Emin Mahmudov və “AzeriSteel” MMC-nin direktoru cənab Aqşin Sucayev quraşdırma dəstlərinin istehsalı və onların tədarükü barədə əməkdaşlıq müqaviləsini imzalamışlar.

"Ground Technical Support" MMC yerli şirkətlərlə əməkdaşlığı genişləndirir. - Foto

“Ground Technical Support” MMC digər hərbi texnika nümunələri ilə yanaşı zirehli transportyorların servis xidməti, təmiri və modernləşdirilməsi üzrə imkanlarını artırır və özünün xarici əlaqələrini genişləndirir. Bu istiqamətdə zəruri araşdırma işləri yerinə yetirilmiş, həmçinin zirehli transportyorların modernləşdirilməsi məqsədi ilə İsrailin “Automatica Engineering & Technology E.M.A.R Ltd” şirkəti ilə danışıqlar aparılmışdır.  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎ ‎ ‎  ‎ ‎ ‎ ‎ ‎ ‎ ‎ ‎ ‎‎ Uzunmüddətli danışıqların uğurlu nəticəsi olaraq, 16 iyul 2024-cü il tarixində, “Ground Technical Support” MMC-nin direktoru cənab Emin Mahmudov və “Automatica Engineering & Technology E.M.A.R Ltd” şirkətinin İdarəedici direktoru cənab Ronni Aizenstein zirehli transportyorların modernləşdirilməsi məqsədi ilə quraşdırma dəstlərinin hazırlanması və onların texnikaların üzərinə quraşdırılması barədə əməkdaşlıq müqaviləsini imzalamışlar.


XƏBƏRLƏR